Happy Good Friday

आज शुक्रबार, हरेक शुक्रबार जस्तै आज पनि दोहा कतारको नेसनल एरियामा लाग्ने हजारौं नेपाली दाजुभाईहरुको जमघट, एकआपसमा आफ्नो गाउँघर देशको कुराकानी , भलाकुसारी साटासाट गर्दै देशमा रिलिज भएको नयाँ नयाँ फिल्म, अडियो सि.डी. भि.सि.डी.को चर्चा । नेपाल गएर फर्केका वा नयाँ आएकाहरूले आफुसँग ल्याएको घरको चिठीपत्र, क्यासेट, लुगाफाटो र घरबाट आमाले पठाएको खाने कुराको साटासाट। जहाँ तहि देखिन्छन नेपालीहरुको चहलपहल, र अझ नेपाली अडियो र भिडियोबाट आउने ‘माया उड्यो बादलु छुनलाई’ जस्ता गीतहरूको स्पन्दनले मलाई मात्र होइन, सम्पूर्ण कतारबासी नेपालीहरुलाई आफ्नो देश, आफ्नो गाउँघर र आफ्नो परिवेश स्मरण गराइरहेको हुन्छ। यहाँ नेपालीहरुको चहलपहल देख्दा लाग्छ म अहिले यो दूर देश कतारमा होईन काठमाडौँ को सुन्धारा चोकमा पो कतै छु कि जस्तो आभास हुन्छ । कहिले काही त यहाँ नेपाली साथीभाईहरु सँग भेट्न पाउँदा नेपालमा भन्दा पनि रमाईलो लाग्छ , किन कि याहाँ न कोहि धनी छन् न कोहि गरिब, न कोहि पहाडे छन् न कोहि तराई न कोहि मधेश, याहाँ छन् त मात्र नेपाली । 

     सुवाश श्रेष्ठ दोहा कतार