''गजल''

लेख्नु पर्ने धेरै थियो जिन्दगीको पाना रोजेँ,

सबै कुरा थाती राखी पेट भर्न माना रोजेँ।

सास भए आश हुन्छ भन्ने गर्थे बुढापाका,

त्यसैले त सास धान्न पराईको छाना रोजेँ।

राम्रो लाग्छ आफ्नै देशको दोहोरीका गीतहरु,

तर आज बाध्यतामा परदेशीको गाना रोजेँ।

लुकामारी खेल्दै खेल्दै बाँडीचुडी मकै खाने,

मनमा ईच्छा हुदाँ हुदै बिदेशीको खाना रोजेँ।

धेरै थिए खाना हरु बिदेशीको परिकारमा,

आफ्नै गाँउ सम्झेअनि भटमासको दाना रोजेँ।